Ronaldinýo «Rematch» futbol simulýatorynyň ilçisi boldy

  • 31.05.2025 17:28
  • 5.8k+

Meşhur braziliýaly futbolçy Ronaldinýo täze «Rematch» futbol simulýatorynyň ilçisi boldy. Ol oýny döreden studiýanyň edarasyna baryp, simulýatory hut özi synap gördi.

Taslamanyň topary Ronaldinýonyň saparyndan wideo paýlaşdy. Wideoda ol oýun baradaky täsirlerini gürrüň berýär.
Oýnuň döredijileri meşhur futbolçynyň saparynyň tutuş studiýa üçin örän möhüm waka bolandygyny bellediler. Olaryň sözlerine görä, Ronaldinýo bilen duşuşmak — oýny döretmäge ruhlandyran adama çeken zähmetleriniň miwesini görkezmäge mümkinçilik bolupdyr.
«Rematch» oýnunyň awtorlary öň hem oýunda lutbokslaryň (tötänleýin sowgat gutularynyň) ýa-da puluň kömegi bilen ýeňmäge mümkinçilik berýän mehanikalaryň ýokdugyny belläpdi. Oýunda diňe kosmetiki zatlary öz içine alýan battle pass bar.
Ronaldinýo 2003-2008-nji ýyllar aralygynda Kataloniýanyň «Barselonasynda» çykyş edipdi. Ol bu klub bilen iki gezek Ispaniýanyň çempionatyny we Superkubogyny, 2006-njy ýylda bolsa Çempionlar ligasyny gazandy. 2005-nji ýylda «Altyn top» baýragyny aldy, 2004-nji we 2005-nji ýyllarda bolsa FIFA tarapyndan dünýäniň iň gowy futbolçysy diýlip ykrar edildi.
Ol dürli ýyllarda Braziliýanyň «Gremiosynda», «Flamengoda», «Atletiko Mineýroda», «Fluminensede», Fransiýanyň «PSŽ-synda», Italiýanyň «Milanynda», Meksikanyň «Keretarosynda» we beýleki toparlarda çykyş etdi.
Braziliýanyň milli ýygyndysy bilen Ronaldinýo 2002-nji ýylda dünýä çempionatyny gazandy.


12.06.2025 12:31
4k+

Coldplay, Jeý Balwin, Doja Cat we Tems dagy Klublaýyn dünýä çempionatynyň finalynyň arakesmesinde çykyş eder

Nýu-Jersi ştatynyň Ist-Rezerford şäher okrugyndaky MetLife stadionynda FIFA-nyň Klublaýyn dünýä çempionatynyň final oýnunyň arakesmesinde aýdym-sazly şüweleň bolar. FIFA 13-nji iýulda boljak konsertde kolumbiýaly aýdymçy Jeý Balwiniň, repçi aýdymçy Doja Cat-yň we nigeriýaly artist Temsiň esasy hedlaýnerler boljakdygyny habar berdi...

09.05.2025 09:40
7.5k+

Şotlandiýada iň gadymy futbol meýdançasy tapyldy. Onda 1600-nji ýyllarda oýnapdyrlar

Şotlandiýada Solueý-Fert aýlagynyň golaýynda iň gadymy futbol meýdançasynyň galyndylary tapyldy. Bu barada sport taryhçysy, Şotlandiýanyň futbol muzeýiniň esaslandyryjysy Ged O’Braýene salgylanyp, Independent habar berýär...

19.04.2025 00:56
6.1k+

Linkin Park Mýunhende Çempionlar ligasynyň finalyndan öň sahna çykar

Linkin Park nýu-metal topary 31-nji maýda müňlerçe futbol janköýeriniň öňünde çykyş eder. Bu çykyş topar üçin aýratyn ähmiýetli waka bolup durýar. Sebäbi olar 2024-nji ýylda täze wokalist Emili Armstronk bilen sahna dolanyp geljekdiklerini we «From Zero» atly täze albomlaryny çykarjakdyklaryny yglan edipdiler diýip, «The New York Times» neşiri habar berýär...

06.02.2025 20:54
5.1k+

EA Sports FC hakykata ýakynlaşar: Electronis Arts kompaniýasy TRACAB Technologies-i satyn aldy

Oýun çykaryjy Electronis Arts sport oýunlaryny seljermek üçin optiki treking ulgamlaryny işläp taýýarlaýan TRACAB Technologies kompaniýasyny satyn alandygyny habar berdi. EA-nyň habaryna görä, bu satyn alyş EA...