28-nji iýulda Nýu-Ýorkda geçiriljek Sotheby’s auksionynda alyjylara meteoritleri, Aýyň bölegini we hatda dinozawryň tutuş skeletini satyn almak teklip ediler. Bu barada “Daily Mail” ýazýar diýip, lenta.ru habar berýär.
Auksionda has seýrek we gyzykly lot diýip bahasy 5 – 8 mln dollar bilen bahalandyrylan gorgozawryň galyndylaryny hasaplamak bolar. Çäräni guraýjylar munuň Sotheby’s-yň taryhynda bu görnüşiň wekiliniň tutuş skeletiniň satylýan ilkinji ýagdaýydygyny belläp, islegiň ýokary bolmagyna bil baglaýarlar. Dinozawryň ölçegi beýikligine 3 metr we uzynlygyna 7 metr.
Auksionyň ylmy temadaky bir bölegi tebigat ylymlaryna bagyşlanar we gorgozawryň skeletinden başga-da, gatnaşyjylar triseratopsyň we ýolbarsyň ýitip giden görnüşiniň kelle süňklerini, şeýle-de gadymy haýwanlaryň dyrnaklaryny, dişlerini we gyýaklaryny satyn alyp bilerler.
Mundan başga-da, alyjylar üçin amerikaly astronawt Bazz Oldriniň zatlaryny taýýarladylar, onuň uçuş kostýumy 1-2 mln dollara satuwa çykarylar.