Jokowiç ATP-niň reýtinginde ýedinji orna düşdi

  • 12.07.2022 14:51
  • 6k+

Serbiýaly Nowak Jokowiç “Uimbledon” ýaryşynda ýeňiş gazanandygyna garamazdan, Professional tennisçileriň assosiasiýasynyň (ATP) reýtinginde birnäçe setir aşak düşdi. Reýtingiň täzelenen görnüşi ATP-niň saýtynda ýerleşdirildi diýip, interfax.ru habar berýär.

Indi Jokowiç ýedinji orny eýeleýär, geçen reýtingde ol üçünji orunda ýerleşipdi. Bu pese düşme serbiýaly türgeniň bir ýyl ozal “Uimbledondaky” ýeňşi üçin reýting utuklaryny gorap bilmändigi we 2000 baly ýitirendigi bilen baglanyşyklydyr. ATP we Zenanlaryň tennis assosiasiýasy (WTA) guramaçylaryň russiýaly we belarusly tennisçileri ýaryşdan çykarmak kararyna garşy nägileligiň nyşany hökmünde “Uimbledon – 2022-de” reýting ballaryny hasaplamady.
Dünýäniň birinji raketkasy adyny “Uimbledon – 2022-ä” gatnaşmadyk russiýaly Daniil Medwedew saklady. Ikinji orny henizem germaniýaly Aleksandr Zwerew eýeleýär. 
Üçünjiden altynja çenli orunlary her biri bir setir ýokary galan Rafael Nadal (Ispaniýa), Stefanos Sisipas (Gresiýa), Kasper Ruud (Norwegiýa), Karlos Alkaras (Ispaniýa) eýeleýär.
Sekizinji orunda, ýagny Jokowiçden soň Andreý Rublýow (Russiýa), dokuzynjy orunda Feliks Ože-Alýassim (Kanada) ýerleşýär.
Ýannik Sinner (Italiýa) üç basgançak ýokary galyp, onluga girdi.


08.09.2025 11:36
2.5k+

Karlos Alkaras US Open-iň finalynda Ýannik Sinnerden üstün çykdy

Ispaniýaly tennisçi Karlos Alkaras erkekleriň arasynda geçirilen ABŞ-nyň Açyk çempionatynyň (US Open) ýeňijisi boldy. Ol finalda italiýaly Ýannik Sinneri dört setde 6:2, 3:6, 6:1, 6:4 hasabynda utdy. 22 ýaşly türgen üçin bu “Uly tuwulga” ýaryşlarynda altynjy titul boldy...

07.09.2025 19:48
5.7k+

Sobolenko Anisimowany utup, yzygider ikinji gezek US Open-iň ýeňijisi boldy

Dünýäniň birinji raketkasy Arina Sobolenko yzygider ikinji gezek ABŞ-nyň Açyk çempionatynda (US Open) ýeňiji boldy. Ýaryşyň finalynda belarusly tennisçi dünýäniň dokuzynjy raketkasy, amerikaly Amanda Anisimowany 6:3, 7:6 (7:3) hasabynda utdy...

06.09.2025 16:38
1.8k+

Sinner we Alkaras US Open-iň tituly we dünýäniň birinji raketkasy ady ugrunda göreşer

US Open-iň final oýnunda dünýäniň birinji raketkasy Ýannik Sinner bilen ATP reýtinginde ikinji orny eýeleýän ispaniýaly Karlos Alkaras duşuşar. Bu olaryň şu möwsümde “Uly tuwulga” ýaryşlarynda yzygider üçünji finaly bolar we onda diňe ABŞ-nyň Açyk çempionatynyň çempiony däl, eýsem dünýäniň birinji raketkasy-da kesgitlener...

05.09.2025 16:00
3k+

US Open – 2025-iň finalynda Arina Sobolenko we Amanda Anisimowa oýnar

Nýu-Ýorkuň hard kortunda US Open-2025 “Uly tuwulga” ýaryşynyň finalçylary kesgitlendi. Aýgytly oýunda titul üçin Belarusdan dünýäniň birinji raketkasy Arina Sobolenko we WTA reýtinginde dokuzynjy orny eýeleýän amerikaly Amanda Anisimowa göreşer...