Mask Twitteri satyn almakdan ýüz öwürdi

  • 10.07.2022 10:47
  • 11k+

Tesla-nyň we SpaceX-iň ýolbaşçysy Ilon Mask sosial toruň galp akkauntlar we spam-botlar hakyndaky maglumaty bermändigi sebäpli Twitteri satyn almak boýunça geleşikden ýüz öwürdi diýip, milliarderiň aklawçylarynyň beýannamasyna salgylanýan Reuters agentligi habar berýär.

Twitter spam-akkauntlar hakyndaky maglumatlar we galp hasap ýazgylary bilen bagly "birtopar  soraglara jogap berip bilmedi ýa-da olara jogap bermekden boýun gaçyrdy"  diýip, Maskyň wekilleri mälim etdiler. Olar Twitteri  Tesla-nyň we SpaceX-iň ýolbaşçysy bilen baglaşylan ylalaşygyň birnäçe düzgünlerini bozmakda aýypladylar.
Twitteriň paýnamalary söwdalaşyklaryň dowamynda 7% pese gaçdy.
Twitteriň Direktorlar geňeşiniň başlygy Bret Teýlor sosial toruň kazyýete ýüz tutmak meýliniň bardygyny habar berdi.
Şertleşige laýyklykda, geleşik amala aşmadyk ýagdaýynda Mask 1 mlrd dollar möçberinde jerime tölemeli bolar. 
Mask (dünýäniň iň baý adamy; Forbes-iň 2022-nji ýylyň aprelindäki hasaplamasyna görä, baýlygy  219 mlrd dollar) aprel aýynda 44 mlrd dollara sosial tory satyn almakçydy. Ýöne soňra, galp we spam-akkauntlaryň Twitteriň ulanyjylarynyň umumy sanyndan 5% azdygy baradaky maglumat tassyk bolýança, geleşigi togtatdy. 


21.11.2025 11:47
2.7k+

Ilon Mask emeli aň hasaplamalaryny kosmosa geçirmegi teklip etdi

Amerikaly milliarder Ilon Maskyň pikiriçe, geljek bäş ýylda emeli aň bilen baglanyşykly hasaplaýyş güýçlerini ösdürmegiň iň amatly ýoly olary kosmosa göçürmek bolar. Bu barada ol Waşingtonda ABŞ bilen Saud Arabystanynyň ykdysady hyzmatdaşlygyna bagyşlanan forumda aýtdy...

18.11.2025 11:14
3k+

Mask Grok 5-iň çykmagyny geljek ýyla süýşürdi. EA-ny adam derejesine ýetirmek meýilleşdirilýär

Ilon Mask xAI startapynyň Grok çat-botunyň täze wersiýasy bolan Grok 5-iň ozal meýilleşdirilişi ýaly 2025-nji ýylyň ahyrynda däl-de, indiki ýylyň birinji çärýeginde çykjakdygyny habar berdi. Onuň aýtmagyna görä, goşmaça okuwlardan soň täzelenen model ähli bäsdeşlerinden öňe geçip, hatda 10% ähtimallyk bilen adam aňynyň derejesine ýetip biler...

18.11.2025 11:13
2k+

Grokipedia işe girizilenden tiz wagtdan soň gyzyklanmanyň pese gaçmagy bilen ýüzbe-ýüz boldy

Ilon Maskyň oktýabrda işe girizilen Grokipedia onlaýn ensiklopediýasy auditoriýanyň uly bölegini derrew ýitirdi. Gysga wagtyň içinde saýtyň iň ýokary trafigi 90%-den gowrak azaldy. Similarweb-iň maglumatlaryna görä, ABŞ-da saýta girýänleriň iň ýokary derejesi 28-nji oktýabrda boldy we 460 000-den gowrak giriş hasaba alyndy, ýöne häzir saýta günde, takmynan, 30 000 adam girip görýär...

17.11.2025 13:39
4.5k+

Mask: Ýene-de 20 ýyldan adamlar aňlaryny robotlara geçirip bilerler

Tesla we Neuralink kompaniýalarynyň baş direktory Ilon Mask takmynan 20 ýyldan soň adamlaryň öz "menini" — ýatlamalaryny, başarnyklaryny we duýgularyny — androide geçirip biljekdigini çaklady. Onuň sözlerine görä, bu iki taslamanyň: Neuralink-iň neýrointerfeýsleriniň we Tesla-nyň Optimus gumanoid robotlarynyň utgaşdyrylmagy arkaly gazanylar...