Mask Telegram-yň bäsdeşini – XChat messenjerini hödürledi

  • 02.06.2025 17:48
  • 3.6k+

Ilon Mask täze nesil XChat messenjeriniň işe girizilendigini habar berdi. Programma Telegram we WhatsApp ýaly meşhur platformalaryň ornuny tutup biljek messenjer hökmünde görkezilýär.

Täze messenjeriň beta-wersiýasy eýýäm tölegli ýazylyşyk bilen X sosial ulgamynyň käbir ulanyjylary üçin elýeterli boldy.
XChat-yň esasy funksiýalarynyň arasynda ähli habarlaryň we jaňlaryň awtomatik şifrlenmegi, islendik formatly faýllar bilen paýlaşmak, X platformasy bilen baglanyşyk (şol sanda, bada-bat tölegler we çat-botlar), şeýle-de dürli gurluşlarda işläp bilmegi bar. Programma iOS, Android we kompýuter üçin elýeterlidir.
Şifrlemegi diňe “gizlin çatlarda” ulanýan Telegram-dan tapawutlylykda, XChat ony aragatnaşygyň ähli görnüşleri üçin awtomatik ulanýar. Şeýle-de, messenjeriň foto we wideo redaktirlemek üçin gurallary bar, EA kömekçisi bolsa duşuşyklary meýilleşdirmäge we hatlary seljermäge kömek edýär.
X platformasy bilen baglanyşyk ulanyjylara Maskyň beýleki taslamalary, mysal üçin, SpaceX we Tesla bilen göni programma arkaly aragatnaşyk saklamaga mümkinçilik berýär.
Goşundynyň interfeýsi sada we düşnükli bolup, bu ony giň köpçülik üçin amatly edýär.
Anonsdan soň XChat eýýäm internet torunda işjeň gürrüňlere getirdi. Käbir bilermenler onuň messenjer bazarynda öňdebaryjy oýunçy bolup biljekdigini çaklaýar. Onuň üstünligine ýardam edip biljek şertleriň arasynda – Ilon Maskyň abraýy, hyzmatyň hemmeler üçin niýetlenmegi, köp dilleri goldamagy we esasy funksiýalaryň mugt bolmagy bar.
XChat-yň işe girizilmegi wagt taýdan Maskyň xAI kompaniýasynyň Grok çat-botunyň Telegram-a goşulyp biljekdigi baradaky habar bilen gabat geldi. Ýöne Telegram-yň esaslandyryjysy Pawel Durowdan tapawutlylykda, Maskyň özi kompaniýalaryň arasynda ylalaşyk gazanylandygy barada habar bermäge howlukmaýar.


29.05.2025 15:48
2.4k+

Durow: Telegram-da Ilon Maskyň Grok çat-boty peýda bolar

Pawel Durowyň «Telegram» messenjeri bilen Ilon Maskyň «xAI» atly startapy «Grok» çat-botuny ýaýratmak maksady bilen, bir ýyllyk hyzmatdaşlyga geldiler. Bu barada messenjeriň esaslandyryjysy Pawel Durow «X» sosial torunda habar berdi...

10.05.2025 14:17
6.3k+

Iň howpsuz messenjerleriň sanawy düzüldi. Telegram 10-lukda ýok

Russiýanyň Artezio kompaniýasynyň analitikleri iň howpsuz messenjerleriň her ýylky sanawyny täzelediler. Bilermenleriň pikirine görä, howpsuzlygyny ýitiren meşhur Telegram messenjeri 2025-nji ýylyň sanawyndan aýryldy...

09.05.2025 12:24
1.1k+

Grok çat-boty indi doly derejeli PDF resminamalaryny döredip bilýär

Ilon Maskyň xAI kompaniýasy özüniň Grok çat-botuna tekstli, suratly we tablisaly PDF döretmek mümkinçiligini goşdy. Täze gunksiýa käbir ulanyjylar üçin eýýäm elýeterlidir. Ozal Grok diňe tablisalary we faýllary okamagy goldaýardy, ýöne olary özbaşdak döredip bilmeýärdi...

06.05.2025 16:18
2.2k+

Ilon Maskyň Grok çat-boty indi gürleşip bilýär

xAI kompaniýasy Grok çat-botuny täzeläp, oňa ses aragatnaşygy funksiýasyny goşdy. Indi ulanyjylar ses arkaly sorag berip, audio jogaplary alyp bilýär. Funksiýa iOS gurluşlarynyň eýeleri üçin Grok programmasynda elýeterlidir...