Türkmenistanda diplomy ykrar edilýän daşary ýurtlaryň ýokary okuw mekdepleriniň täzelenen sanawyna dünýäniň dürli ýurtlarynyň 1600-den gowrak okuw jaýlary girizildi. Sanaw Türkmenistanyň Bilim ministrliginiň saýtynda dolulygyna neşir edildi diýip, Turkmenportal habar berýär.
2022-nji ýyl üçin ýokary okuw mekdepleriniň sanawy uniwersitetleriň iki sany has abraýly ählumumy reýtingi bolan — Academic Ranking of World Universities we QS World University Rankings reýtingleri esasynda düzüldi.
Bilim ministrliginiň saýtynda şeýle hem Türkmenistanda diplomy ykrar etdirmegiň tertibi bilen tanşyp bilersiňiz.
Diplomy ykrar edilýän daşary ýurtlaryň ýokary okuw mekdepleriniň doly sanawyny şu salgydan ýükläp alyp bilersiňiz.
