Coca-Cola alyjylary ýalňyşdyrmakda aýyplandy

  • 03.07.2022 10:58
  • 42k+

Bazaryň üýtgeýşini seljerýän The Changing Markets Foundation gaznasy Coca-Cola we Procter & Gamble ýaly uly kompaniýalary gaplamalaryň kömegi bilen alyjylary ýalňyşdyrmakda günäkärledi. Ýagny, brendler planetanyň hapalanmagyna garşy göreşýändiklerini aýtsalar-da, hakykatda bu beýle däl diýip, “The Guardian” habar berýär. Muny lenta.ru ýetirýär.

Derňewçiler käbir kompaniýalaryň ummana taşlanan plastikleri gaýtadan işlemek baradaky aýdanlaryny grinwoşing – marketing maksatly tebigat barada ýalan alada diýip hasapladylar. Mysal üçin, Coca-Cola çüýşeleriniň 25%-iniň “deňiz” plastiginden taýýarlanandygyny nygtaýar, şol bir wagtyň özünde kompaniýa daşky gurşawy iň uly hapalaýjylaryň biri hasaplanýar.
Ýene bir mysal önümler üçin karton gutusyny döreden Perfetti Van Melle kompaniýasy boldy – gazna gabyň, aslynda, alýuminiý we plastigi goşmak bilen gaýtadan işlenilmeýän materialdan taýýarlanandygyny belleýär. Şeýle aýyplama Head & Shoulders şampunyna hem degdi, ony öndüriji serişde üçin gabyň kenardan ýygnalan plastikden döredilendigini aýdýar. Şeýle-de bolsa, çüýşäniň reňklenmegi onuň gaýtadan işlenilmeýändigini görkezýär. 
Häzirki wagtda “plastik” paýyş söze öwrüldi. Sarp edijiler ony satyn almak bilen özlerini günäkär hasaplaýarlar, şonuň üçin brendler ýalňyşlyga getirýän köne marketing usullaryny ulanyp, olaryň aňlaryna täsir edýärler. Öndürijiler özlerini dünýä derejesindäki meseläni çözýän ýaly görkezýärler, hakykatda bolsa ony güýçlendirýärler. Analitikleriň hasaplamalaryna görä, plastik önümçiligi 2040-njy ýyla çenli üç esse artar diýip, A Plastic Planet guramasyny esaslandyryjylaryň biri Sian Sazerlend düşündirýär.

şu gün 10:48
570

Apple Music 10 ýylyň içinde iň köp diňlenen 500 aýdymyň sanawyny çykardy

Apple Music akym hyzmatynyň 10 ýyllygy mynasybetli platformada iň köp diňlenen 500 aýdymyň sanawyny çap etdi. Ed Şiranyň “Shape of You”aýdymy sanawda birinji ýeri eýeledi. 2017-nji ýylda çykan bu aýdym platformanyň taryhynda iň meşhury boldy...

düýn 18:06
8.5k+

Şu ýyl Ýerde iň gysga günler tomusda bolar

Ýeriň aýlanmagynyň we hasaplama ulgamlarynyň halkara gullugynyň (IERS) işgärleri planetanyň adatdakysyndan çalt aýlanyp başlajak senesini hasaplady. Hasaplamalara görä, günleriň dowamlylygy 9-njy we 22-nji iýulda, şeýle-de 5-nji awgustda gysgalar...

düýn 13:35
4.8k+

Täjigistanda eýesiniň ady ýazylan I-III asyrlaryň küýzesi tapyldy

Arheologlar Täjigistanda Kuşan imperiýasy döwründe ýaşan bir aýalyň adyny saklaýan baktriýa dilindäki ýazgy bilen keramiki gaby tapdy. Tapyndy Sarband obasynyň golaýyndaky gadymy Halkajar şäherçesinde ýüze çykaryldy diýip, The Times of Central Asia-a salgylanyp, Archaeology Magazine habar berýär...

düýn 11:34
1.8k+

Xiaomi "Smart Audio Glasses" akylly äýnek-gulaklyklarynyň global satuwyna başlady

Xiaomi dünýä bazarynda Günden goraýan äýnekleriň we açyk görnüşli Bluetooth-gulaklyklaryň funksiýalaryny birleşdirýän Smart Audio Glass-y satyp başlady diýip, Gizmochina habar berýär. Model ýaňy basyş we ses zolagyny emele getiriş algoritmli SLS0820 ultrases dinamikleri bilen enjamlaşdyrylandyr, bu sesiň daşyna çykmazlygyny üpjün edýär...