Hazarýaka döwletleriň wekilleri Türkmenistanda geçiriljek VI Hazar sammitini maslahatlaşdylar

  • 25.05.2022 18:29
  • 12k+

23-24-nji maýda Tähran şäherinde Hazar deňziniň meseleleri boýunça ýokary derejeli Iş toparynyň dördünji duşuşygy geçirildi. Bu barada azerforum.com saýty habar berdi.

Gün tertibine laýyklykda, onuň barşynda Hazar deňzinde göni çyzgylary kesgitlemegiň usulyýeti baradaky şertnamanyň taslamasy ara alnyp maslahatlaşyldy. Bu resminamanyň üstünde işlemek dowam etdiriler. Gepleşiklere Azerbaýjandan H.Halafowyň, Gazagystandan Z.Amanžolowyň, Russiýa Federasiýasyndan M.Petrakowyň we Türkmenistandan M.Atajanowyň ýolbaşçylygyndaky wekiliýetler gatnaşdy. Duşuşyga Eýran Yslam Respublikasynyň wekiliýetiniň başlygy M.Barimani ýolbaşçylyk etdi.

Taraplar Türkmenistanda geçirilmegi meýilleşdirilýän VI Hazar sammitine taýýarlyk görmek bilen baglanyşykly meseleleri ara alyp maslahatlaşdylar we Hazardaky hyzmatdaşlygyň dürli ugurlary barada pikir alyşdylar. Hazar deňziniň meseleleri boýunça ýokary derejeli Iş toparynyň indiki duşuşygy Türkmenistanda geçiriler we onuň takyk senesi diplomatik ýollar arkaly ylalaşylar.


düýn 22:35
1.6k+

Kiýewdäki kitaphanada Magtymgula we ukrain pelsepeçisi Grigoriý Skoworoda bagyşlanan sazly çäre geçirildi

26-njy noýabrda Kiýew şäheriniň Swýatoşinskiý etrap döwlet dolandyryş edarasynyň Medeniýet bölüminiň «Swiçado» merkezi kitaphana ulgamynyň Magtymguly adyndaky kitaphanasynda «Ruhy çyraglar: Skoworoda we Magtymguly» atly şygryýet we saz çäresi geçirildi...

düýn 22:27
1.3k+

Dohada hökümetara türkmen-katar toparynyň mejlisi geçirildi

26-27-nji noýabrda Katar döwletiniň Doha şäherinde Söwda-ykdysady hyzmatdaşlyk boýunça hökümetara türkmen-katar toparynyň 3-nji mejlisi geçirildi. Mejlise iki ýurduň birnäçe döwlet edaralarynyň we işewür toparlarynyň ýolbaşçylary hem-de wekilleri gatnaşdylar diýip, Türkmenistanyň DIM-niň saýtynda habar berilýär...

düýn 22:21
689

Raşid Meredow Şri-Lankanyň DIM-niň ýolbaşçysy bilen Aşgabatda geçiriljek forumy maslahatlaşdy

27-nji noýabrda Türkmenistanyň daşary işler ministri Raşid Meredow bilen Şri-Lankanyň daşary işler, daşary ýurtlarda iş üpjünçiligi we syýahatçylyk ministri Widjitha Heratyň arasynda telefon arkaly söhbetdeşlik geçirildi...

düýn 22:17
453

Türkmenistanyň DIM-nde Hindistanyň ilçisi bilen duşuşyk geçirildi

27-nji noýabrda Türkmenistanyň daşary işler ministriniň orunbasary Ahmet Gurbanow Hindistanyň ilçisi Bandaru Wilsonbabu bilen duşuşdy. Bu barada Türkmenistanyň DIM-nde habar berdiler. Duşuşygyň barşynda diplomatlar türkmen-hindi gatnaşyklarynyň däp bolan dostlukly häsiýetini, şeýle hem syýasy, söwda-ykdysady hem-de medeni-ynsanperwer ugurlarda hyzmatdaşlygyň netijeliligini nygtadylar...