Artyk agramy üçin UFC-niň titulyndan mahrum edilen Oliweýra Getjiden üstün çykdy

  • 08.05.2022 20:23
  • 23k+

Braziliýaly pälwan Çarlz Oliweýra UFC 274 turniriniň Las-Wegasda geçen baş başa-baş göreşinde amerikaly Jastin Getjini ýeňdi we ony ýeňil agramda çempionyň titulyna eýe bolmak mümkinçiliginden mahrum etdi.

Tutluşyk birinji raundda braziliýalynyň ýeňşi bilen tamamlandy.
Oliweýra 2021-nji ýylyň maý aýynda amerikaly Maýkl Çendlerden üstün çykyp, ýeňil agramda çempionyň guşagyna eýe bolupdy. Ol, 2020-nji ýylda Getjini ýeňmek bilen öz karýerasyny soňlan russiýaly Habib Nurmagomedowdan soň, UFC-niň şu agramdaky ilkinji çempiony boldy.
Emma amerikaly türgen bilen göreşe çykmazynyň öňüsyrasynda Oliweýranyň agramy artyk gelip, öz titulyndan mahrum boldy-da, çempionyň guşagy eýesiz galdy.  
Indi 32 ýaşly braziliýalynyň hasabynda 33 ýeňiş we 8 ýeňliş bar, bir sany tutluşyk bolsa hasaba alynmady.
33 ýaşly Getjiniň  23 ýeňşi we 4 ýeňlişi bar.


14.07.2025 19:06
13k+

Derrik Lýuis UFC on ESPN 70 agşamynyň esasy söweşinde Teýşeýrany 35 sekuntda nokaut etdi

13-nji iýulda ABŞ-nyň Neşwil şäherinde geçirilen UFC on ESPN 70 ýaryşynyň esasy tutluşygynda agyr agramda amerikaly  söweşiji Derrik Lýuis braziliýaly Tallison Teýşeýrony birinji raundda 35-nji sekuntda tehniki nokaut bilen ýeňdi...

14.07.2025 07:39
7.2k+

Merab Dwalişwili Mahaçewden öňe geçip, ESPY tarapyndan ýylyň söweşijisi boldy

Neşwillde geçirilen UFC on ESPN 70 ýaryşynda UFC promouşeni “UFC-de ýylyň söweşijisi” nominasiýasynda ESPY 2025 baýragynyň ýeňijisini yglan etdi. Ol iň ýeňil agramda çempion Merab Dwalişwili boldy. Gruzin-ispan...

03.07.2025 10:25
12k+

Iliýa Topuriýa UFC-niň iň gowy söweşijileriniň umumy reýtinginde Islam Mahaçewden öňe geçdi

UFC Las-Wegasda (ABŞ) geçen dynç günleri geçirilen UFC 317 ýaryşyndan soň iň gowy söweşijileriň reýtingini täzeledi. Gruziýadan ýeňil agramda (70 kg çenli) çempion Iliýa Topuriýa UFC-niň Pound-For-Pound (agram derejesine garamazdan) umumy reýtinginiň başyna geçdi, ol birinji orundan russiýaly Islam Mahaçewi gysyp çykardy...

29.06.2025 12:13
14k+

Topuriýa birinji raundda Oliweýrany nokauta gidirip, ýeňil agramda UFC-niň çempiony boldy

Ispan-gruzin gelip çykyşly söweşiji Ilýa Topuriýa UFC-niň ýeňil agram derejesindäki boş guşagyň täze eýesi boldy. Ol UFC 317 ýaryşynyň esasy söweşinde braziliýaly Çarlz Oliweýrany ýeňdi. Ýaryş 29-njy iýunda Las-Wegasda geçirildi...