Messi «Altyn pökgä» dalaş edýänleriň reýtinginde 20-nji setire düşdi

Messi «Altyn pökgä» dalaş edýänleriň reýtinginde 20-nji setire düşdi

Goal.com-yň wersiýasy boýunça, arentinaly hüjümçi Lionel Messi indi «Altyn pökgä» dalaş edýänleriň onlugyna girmeýär.

«PSŽ-niň» hüjümçisiniň eýeleýän orny bir hepdäniň içinde 10-dan 20-ä düşdi. Muny «Realdan» utulan parižlileriň Çempionlar ligasyndan gaýtmagy bilen baglanyşdyrýarlar.
«Mançester Ýunaýtediň» hüjümçisi Kriştianu Ronaldu iki orun ýokary süýşüp, aralyk reýtingde 16-njy setiri eýeleýär.

Birinji onluga girenler:

  1. Robert Lewandowski — «Bawariýa»
  2. Karim Benzema — «Real»
  3. Mohamed Salah — «Liwerpul»
  4. Kilian Mbappe — «PSŽ»
  5. Luka Modriç — «Real»
  6. Sadio Mane — «Liwerpul»
  7. Bernardu Silwa — «Mançester Siti»
  8. Winisius Žunior — «Real»
  9. Duşan Wlahowiç — «Ýuwentus»
  10. Riýad Marez — «Mançester Siti»

Öň, martda ýylyň iň gowy oýunçysyny däp boýunça kesgitleýän «Frans Futbol» ses beriş ulgamyndaky üýtgeşmeler hakynda gürrüň berendigini ýatlalyň. Indi baýragyň eýesi kesgitlenende tutuş senenama ýylyna däl-de, möwsümiň jemi boýunça netijelere has uly ähmiýet berler.