Ýarym orta agramda UFC-niň titulyna öňki dalaşgär Horhe Maswidal Kolbi Kowingtona garşy söweşinden öň gurama bilen täze uzak möhletleýin şertnama baglaşdy. Netijede, ol UFC-niň iň ýokary hak alýan söweşijileriniň üçlügine girdi. Bu barada onuň menejeri Malki Kawa habar berdi diýip, mma.metaratings.ru belleýär.
“Promouşen bilen täze şertnama Horheni UFC-de iň köp girdeji gazanýan üç söweşijiniň birine öwürdi. Bu gowy iş, topar! Men UFC we Hanter Kempbella bu şertnama boýunça biziň bilen işleşendikleri üçin sagbolsun aýdýaryn” – diýip, Malki Kawa Twitterde ýazdy.
37 ýaşly Maswidal soňky gezek oktagona 2021-nji ýylyň aprel aýynda UFC 261 turnirinde çykyp, ikinji raundda nokaut bilen Kamaru Usmandan ýeňildi. 2020-nji ýylyň iýul aýynda UFC 251 turnirinde Horhe emin agzalarynyň biragyzdan karar bermegi bilen Usmandan ýeňildi. Onuň hasabynda 35 ýeňiş we 15 ýeňliş bar.