BMG ýakyn ýyllarda planetanyň plastikler bilen hapalanmagyny gadagan eder

BMG ýakyn ýyllarda planetanyň plastikler bilen hapalanmagyny gadagan eder

BMG-niň  Daşky gurşaw boýunça maksatnamasynyň Keniýanyň paýtagty Naýrobide geçýän assambleýasy (ЮНЕП) rezolýusiýa kabul edip, onda geljek birnäçe ýylyň dowamynda daşky gurşawy plastikler we olaryň galyndylary bilen  hapalamagy gadagan etmegi maksat edinýär. Bu barada çarşenbe güni ýerli ENCA täzelikler teleýaýlymy habar berdi.

"Biz taryhy ädim ätdik" - diýip, bu resminama kabul edilenden soň, ÝUNEP assambleýasynyň prezidenti, Norwegiýanyň klimat we daşky gurşaw meseleleri boýunça ministri Espen Bart Eýde yglan etdi. Ol daşky gurşawyň plastik bilen hapalanmagy planetanyň biodürlüligine howp döredýär diýip nygtady.

Kabul edilen rezolýusiýa 2024-nji ýyla çenli plastik bilen hapalamalary gadagan etmek hakyndaky ýuridiki taýdan borçlandyrýan halkara şertnamany taýýarlajak hökümetara gepleşikler komitetini döretmegi göz öňünde tutýar. 

Planetada, şol sanda Dünýä ummanynda-da plastik zyňyndylaryň ägirt köp möçberiniň üýşendigi sebäpli, daşky gurşawyň hapalanmagynyň bu görnüşi, alymlaryň pikirine görä, iň howply hapalanmadyr.