Finlýandiýa ÝHHG üçin ýubileý ýyl bolan 2025-nji ýylda bu guramanyň başlygy bolar. Bu barada Finlýandiýanyň DIM-i habar berýär. Muny TASS ýetirýär.
“ÝHHG Finlýandiýany 2025-nji ýyl üçin başlyk hökmünde saýlady. 2025-nji ýylda Helsinkide Ýewropada Howpsuzlyk we Hyzmatdaşlyk boýunça Maslahatyň geçirilmegine we Helsinki jemleýji aktynyň tassyklanmagyna 50 ýyl dolýar. Geljekki başlyklyk Finlýandiýanyň Ýewropada parahatçylygy we durnuklylygy ösdürmek işleriniň we meýilleriniň anyk subutnamasydyr” – diýlip, habarda aýdylýar.
Öň, Finlýandiýanyň prezidenti Sauli Niinistýonyň aýtmagyna görä, “Helsinkiniň ruhy” (1975-nji ýylda Helsinkide gol çekilen Ýewropada Howpsuzlyk we Hyzmatdaşlyk Maslahatynyň jemleýji aktynda görkezilen ýörelgeler) “global zerurlykdyr” we bu, onuň pikiriçe, dagynyklygy we ynamsyzlygy ýeňip geçmek üçin täsirli usuldyr”.
Finlýandiýa iň soňky gezek 2008-nji ýylda ÝHHG-niň başlygy bolupdy.