Hytaýly smartfon öndürijisi bolan Doogee täze 5G smartfony bolan Doogee V20-niň ýakyn wagtda çykjakdygyny tassyklady. Ol 2022-nji ýylyň ýanwar aýynda çykarylar diýip, pcnews.ru habar berdi.
Täze V20 modeli 6.43 dýuýmlyk Samsung AMOLED 2K ekrany bilen goralan ilkinji berk smartfon bolar. Onuň selfi-kamerasy ekranyň ýokarky merkezinde ýerleşer.
Bu telefonyň özboluşly dizaýny yzky kamera modulynyň gapdalynda ýerleşýän goşmaça displeý bilen hasam tapawutlanýar. Bu 1.05 dýuým diagonally ekran wagty, habarnamalary, gelýän jaňlary görkezip biler we aýdym-sazy dolandyrmaga mümkinçilik berer.
Doogee V20-iň korpusy uglerod süýüminden edilendir. Enjamyň suw geçirmeýänligi hakynda IP68 we IP69K şahadatnamalary, ýere gaçmakdan goraglydygy hakynda MIL-STD-810G şahadatnamasy we ýokary hem-de pes temperaturalara garşy durnuklydygy hakynda MODE şahadatnamasy bar.