Tuttosport 2021-nji ýylda Ýewropanyň iň gowy futbol menejerini yglan etdi

Tuttosport 2021-nji ýylda Ýewropanyň iň gowy futbol menejerini yglan etdi

Londonyň "Çelsi" klubynyň müdiri russiýaly Marina Granowskaýa Tuttosport italýan neşirine görä 2021-nji ýylda Ýewropanyň iň gowy futbol menejeri diýlip ykrar edildi. Bu barada metaratings.ru habar berdi.

Neşir menejeriň londonly klubyň ýeten üstünliklerine, şol sanda 2020/21 möwsüminiň Çempionlar ligasynda gazanan ýeňşine goşan goşandyny belläp geçdi. Final oýunda Tomas Tuheliň şägirtleri "Mançester Sitini" 1:0 hasabynda ýeňmegi başardylar.

2010-njy ýylda Granowskaýa klubyň eýesi Roman Abramowiçiň wekili boldy. Şol wagtdan başlap, ol direktorlar geňeşini goldamak bilen meşgullandy. 2013-nji ýylda bolsa Granowskaýa “Çelsi FK”-niň geňeşiniň düzümine goşuldy.

2021/22 möwsüminde Angliýanyň premýer-ligasynyň 12 aýlawyndan soň “Çelsi” 29 utuk bilen liganyň sanawynda öňdeligi eýeleýär. Şeýle hem “Çelsi” Çempionlar ligasynyň toparçalaýyn tapgyrynyň "H" toparçasynda dokuz utuk bilen ikinji ýerde durýar.