"France Football" žurnalynyň wersiýasy boýunça ýylyň iň gowy futbolçysyna berilýän 70-nji ýubileý "Altyn top" gowşurmak dabarasy 2026-njy ýylyň 26-njy oktýabrynda we taryhda ilkinji gezek Londonda geçiriler.
Guramaçylar bu dabarany adaty ýeri bolan Parižden Beýik Britaniýanyň paýtagtyna geçirdiler. Bu waka 1956-njy ýylda bu abraýly baýragy ilkinji bolup alan Stenli Metýuse hormat nyşanynyň alamatydyr.
Ser Stenli Metýus dünýä futbol taryhyndaky iň beýik sag gapdal hüjümçileriň biri hasaplanýar. Ol "Altyn topy" alan wagty 41 ýaşyndady we häzirki wagta çenli hem bu baýragy alan iň ýaşuly futbolçy bolmagynda galýar. "France Football" žurnalynyň taryhdaky ilkinji ses berişliginde Metýus Alfredo Di Stefanodan öňe geçipdi.
Ýatlap geçsek, 2025-nji ýylda erkekleriň arasynda "Altyn topy" "PSŽ-niň" ýarymgoragçysy Usman Dembele, zenanlaryň arasynda bolsa "Barselonanyň" futbolçysy Aýtan Bonmati gazanypdy.
