Samsung 4G/LTE dördünji nesil mobil ulgamlarynda işlemek üçin niýetlenilen Galaxy A03 Core smartfonyny tanyşdyrdy. Şeýlelikde ol elýeterli smartfonlarynyň gerimini has-da giňeltdi. Bu barada GSMArena salgylanyp, 3dnews.ru habar berdi.
Täze smartfon Unisoc SC9863A prosessoryna esaslanýar. Çipde 1,6 GGs takt ýygylykly sekiz sany Arm Cortex-A55 hasaplaýyş ýadrosy we IMG 8322 grafiki tizlendiriji bar. Enjam 2 Gb RAM-a we 32 Gb göwrümli fleş diskine eýe. Onuň elektrik üpjünçiligine 5000 mA/s kuwwatly zarýad berilýän batareýa jogap berýär.
Smartfon 6.5 dýuým HD+ Infinity-V ekrany bilen enjamlaşdyrylandyr. Bu paneliň ýokarsynda f/2.2 aňrybaş diagrammaly 5MP öň kamerasy üçin kiçijik bir oýuk bar. Smartfonyň arka tarapynda 8 megapikselli datçige esaslanýan kamera bar.
Täze smartfon gök we gara reňklerde köpçülige hödürlener diýlip garaşylýar.