Täjigistan şu ýylyň on aýynda gymmat bahaly metallaryň, ýarym gymmat bahaly daşlaryň we metallaryň eksportyny hem-de importyny artdyrdy. Bu barada avesta.tj habar berýär.
Respublikanyň Statistika agentliginiň maglumatlary boýunça, gymmat bahaly we ýarym gymmat bahaly daşlaryň we metallaryň eksporty 708 mln 925 müň dollar boldy, bu hem 2020-nji ýylyň degişli döwründäki görkezijilerden 19,1 mln dollar ýokarydyr.
Statistika maglumatlaryna görä, bu metallaryň eksport möçberiniň ösüşi 2020-nji ýyldaky görkezijilerden 2,8% ýokary boldy.
Görkezilen döwürde gymmat bahaly we ýarym gymmat bahaly daşlaryň we metallaryň import bahasy 4,8 mln dollardan gowrak bolup, onuň ösüşi 2020-nji ýyldaky görkezijiden 3,3 esse köpdür.
Eýýäm birnäçe ýyl bäri Täjigistanyň Senagat we täze tehnologiýalar ministrligi ýurtda altyn önümçiliginiň mukdarynyň köpelendigini habar berýär, ýöne respublikada öndürilen altynyň mukdaryny mälim etmekden saklanýar.
