SpaceX kompaniýasynyň Crew Dragon-3 kosmos gämisi HKS-e ugur aldy

SpaceX kompaniýasynyň Crew Dragon-3 kosmos gämisi HKS-e ugur aldy

SpaceX kompaniýasynyň dolandyrylýan Crew Dragon gämisi Falcon 9 raketasynyň ikinji basgançagyndan üstünlikli bölünip aýryldy we Halkara kosmos stansiýasyna (HKS) ugur aldy.

«Astronawtlar [ABŞ-dan] Raja Çari, Tom Marşbern we Kaýla Berron Ýewropa kosmos agentliginiň astronawty Matias Maurer HKS-e takmynan 22 sagatdan, ýagny 11-nji noýabrda gündogar standart wagty bilen 19:10-da (Aşg. wagty bilen 05:10, 12-nji noýabr - red.) baryp ýetmeli» - diýip NASA habar berýär.

Ekipažyň agzalary — Crew-3 Endurance maksatnamasynyň astronawtlary orbitada alty aýa golaý bolarlar.
Mundan öň, kosmosa uçuş ýaramaz howa şertleri sebäpli birnäçe gezek yza süýşürilipdi.
Bu gezekki uçurylyşdaky kosmos gämisi ilkinji gezek ulanylýar.
Mundan öň, sişenbe güni, 9-njy noýabrda Atlantika ummanynda Florida ştatynyň kenarlarynda Crew Dragon Endeavour kosmos gämisi üstünlikli gaýdyp geldi. Onuň bortunda Crew-2 maksatnamasynyň astranawtlary Şeýn Kimbrou we Megan Makartur, Ýewropa kosmos agentliginiň astronawty Toma Peske, şeýle hem Aerokosmiki barlaglaryň ýapon agentliginiň astronawty Akihiko Hoside bardy.