Audi awtomobil kompaniýasy düýbünden täzelenen A8 tapgyryny tanyşdyrdy. Ol 2024-nji ýylda elektrikli görnüşi çykarylýança nemes flagmanynyň aktuallygyny saklap galar diýip, carsweek.ru habar berdi.
Häzirki dördünji nesil A8 2017-nji ýylda çykypdy. Diýmek, soňky täzelenmesi oňa BMW 7-Series (2019) we Mersedes-Benz S-Class (2020) bilen bäsdeşlikde artykmaçlyk berer.
Awtoulagyň öň tarapyny täze radiator gözenegi bezeýär. Täzelenen bamperde hrom bilen gurşalan has uly howa girişleri bar. Her farada 1,3 million sany mikro aýna oturdyldy. 18-den 21 dýuýma çenli täzelenen reňk palitrasy we tigir dizaýnlary diýmeseň, profil öňki ýagdaýyndan kän bir tapawutlanmaýar.
Yzky tarapdaky OLED sanly çyralar standart topluma girýär. Olar başga bir awtoulag 2 metr ýakynlaşanda duýdurýan funksiýa eýe.
Awtoulagyň salonynda 10.1 dýuým sanly gurallar toplumy, goşmaça proeksiýa ekrany we iň soňky “Audi MIB3” maglumat ulgamy bolan 8,6 dýuým duýgur ekran bar.