Raşid Meredowyň ýolbaşçylygyndaky wekiliýet Owganystanda saparda bolýar

Raşid Meredowyň ýolbaşçylygyndaky wekiliýet Owganystanda saparda bolýar

30-njy oktýabrda Türkmenistanyň Prezidentiniň tabşyrygy boýunça Ministrler Kabinetiniň Başlygynyň orunbasary, daşary işler ministri Raşid Meredowyň ýolbaşçylygyndaky türkmen wekiliýeti Owganystanda iş sapary bilen bolýar. Şu gün R.Meredow Owganystanyň Hökümetiniň başlygy Mohammad Hasan Ahund bilen duşuşdy.

TDIM-niň Metbugat gullugynda habar berlişi ýaly, duşuşygyň barşynda R.Meredow Owganystanyň syýasy durnuklylygyna hem-de howpsuzlygyna, owgan halkynyň abadançylygyna we jebisligine, bar bolan gapma-garşylyklaryň diňe parahatçylykly ýollar bilen, syýasy-diplomatik serişdeleriň ulanylmagy arkaly kadalaşdyrylmagyna Türkmenistanyň aýratyn gyzyklanma bildirýändigini nygtady.

Türkmenistanyň wekiliýetiniň ýolbaşçysy Owganystanyň täze döwlet edaralary bilen konstruktiw dialoga we ysnyşykly işleşmäge türkmen tarapynyň taýýardygyny aýtdy.