Aprel aýy tamamlanyp barýar, diýmek, öý interneti (AŞTU, Türkmentelekom), ykjam aragatnaşyk (TmCell), IPTV, Älem TV, Belet hyzmatlarynyň töleg wagty ýetip geldi.
Munuň üçin ýöriteläp kassa barmagyň hajaty ýok. «Onlaýn hyzmat» arkaly tölegi islendik ýerde, birnäçe sekuntda amala aşyryp, maşgala agzalaryňyzyň balansyny yzarlap, her tölegden keşbek alyp bilersiňiz.
Programmany App Store ýa-da Google Play dükanlaryndan ýükläp bolýar.
«Onlaýn hyzmat» goşundysy ulanyjylaryň belliklerine we tekliplerine mydama açyk. Gelip gowşan teswirler esasynda programmanyň aprel täzelenmesi ulanyjylar üçin täze amatlyklary we peýdaly täzelikleri getirdi. Sanly hyzmatlary bir ýerden dolandyrmak indi has-da aňsatlaşdy.
- Programmanyň sanawyndaky hyzmatlaryň hataryna meşhur «Elkitap» sanly kitaphanasy goşuldy.
- Ozal Älem TV tölegi diňe kart üsti bilen geçirilýän bolsa, indi dalem logini arkaly hem töleg kabul edilýär.
- Programmanyň interfeýsi has oňaýly görnüşe getirildi.
- Tölegleriň geçiş tizligi ýokarlandy.
- Ulgamyň durnuklylygy kämilleşdirildi.
«Onlaýn hyzmat» platformasynda ozal diňe TmCell we Lexicon tölegleri üçin 1% keşbek gaýtaryp berilýärdi. Indi bu sanawa «Elkitap» onlaýn kitaphanasy hem goşuldy. Toplanan serişdeleri indiki tölegleriňizde ulanyp, çykdajylary azaldyp bilersiňiz.
Sorag ýüze çykan ýagdaýynda ýüz tutmak üçin telefon: 10-11-15
