Aşgabatda Eýranyň IRNA agentliginiň wekilligi açylar

  • 30.10.2021 03:40
  • 6.1k+
Aşgabatda Eýranyň IRNA agentliginiň wekilligi açylar

Eýran Yslam Respublikasynyň Habarlar agentligi (IRNA) Türkmenistanda öz wekilhanasyny açar. Bu barada Tähranda geçirilen Ykdysady hyzmatdaşlyk boýunça türkmen-eýran bilelikdäki hökümetara toparynyň nobatdaky mejlisinde toparyň eýran tarapyndan başlygy, ýurduň ýol we şähergurluşyk ministri Rostame Gasemi habar berdi.

TmCars.info-nyň ozal habar berşi ýaly, 26-27-nji oktýabrda Tähranda bilelikdäki türkmen-eýran hökümetara toparynyň nobatdaky 16-njy mejlisi geçirildi we onuň jemleri boýunça toparyň başlygy R.Gasemi žurnalistlere iki ýurduň arasyndaky ykdysady, söwda, ylmy we medeni hyzmatdaşlygy ösdürmegiň geljekki ugurlary, şol sanda KHBS ulgamynda hyzmatdaşlyk barada maglumat berdi. Onuň belleýşi ýaly, mejlisiň dowamynda taraplar Aşgabatda IRNA-nyň sebitleýin wekilligini açmak hakynda ylalaşdylar.

Mälim bolşy ýaly, IRNA Eýran Yslam Respublikasynyň resmi habarlar agentligi bolup, ol Hökümet tarapyndan dolandyrylýar hem-de Medeniýet we yslam ugry ministrligi tarapyndan gözegçilik edilýär. www.irna.ir saýtynda internet arkaly işleýän bu agentlik birnäçe döwürleýin neşirleri hem çap edýär. Ýurduň çäginde onuň 60 sany edarasy bolup, dünýäniň 30-a golaý döwletinde bolsa wekilhanalary bar. 

Türkmen milli senenamasy boýunça uly çille tamamlanyp, kiçi çille başlady
düýn 11:09
6.4k+

Türkmen milli senenamasy boýunça uly çille tamamlanyp, kiçi çille başlady

18-nji ýanwarda uly çille öz ornuny kiçi çillä berdi. Bu möwsüm 7-nji fewrala çenli dowam eder. «Gaharjaň», «keçjal» diýen atlary alan kiçi çille bu ýyl hem özüniň gar-ýagşy bilen geldi. Ýakyn günleriň howa maglumatlary muňa şaýatlyk edýär...

Türkmenistanda hepdelik howa maglumaty: gar gatyşykly ýagyş dowam eder
düýn 07:10
9.7k+

Türkmenistanda hepdelik howa maglumaty: gar gatyşykly ýagyş dowam eder

Türkmenistanyň Daşky gurşawy goramak ministrliginiň Gidrometeorologiýa baradaky gullugy ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda üýtgäp durýan bulutly howa bolup, hepdäniň birinji ýarymynda we ahyrynda gar gatyşykly ýagyş ýagar...

Aşgabatda meşhur ýapon animeleriniň sazlaryndan ybarat konsert bolar
17.01.2026 17:37
3.1k+

Aşgabatda meşhur ýapon animeleriniň sazlaryndan ybarat konsert bolar

Aşgabatda Resul Gylyjowyň ýolbaşçylygyndaky Türkmenistanyň Döwlet simfoniki orkestriniň ýerine ýetirmeginde dünýä belli ýapon animeleriniň sazlaryndan ybarat konsert geçiriler. «Simfoniýa Anime» atly bu sazly agşam 1-nji fewralda Mukamlar köşgünde bolar...

TM CELL we Türkmentelekom hemişe onlaýn bolmagyňyz üçin internete elýeterliligi giňeldýär
17.01.2026 13:50
14k+

TM CELL we Türkmentelekom hemişe onlaýn bolmagyňyz üçin internete elýeterliligi giňeldýär

Türkmenistanda dünýä meýillerine eýerilip, hünärmenlere we adaty ulanyjylara aragatnaşyk üçin çykdajylaryny netijeli dolandyrmaga hem-de hemişe onlaýn bolmaga mümkinçilik berýän çözgütler işjeň ornaşdyrylýar. Ykjamlygy halaýan ulanyjylar üçin «TM CELL» («Altyn Asyr» ÝGPJ) milli operatory internet-bukjalarynyň giň toplumyny hödürleýär...