Habib UFC 267-de Mahaçewe sekundantlyk eder

Habib UFC 267-de Mahaçewe sekundantlyk eder

Ýeňil agramda UFC-niň öňki çempiony Habib Nurmagomedow täze zelandiýaly söweşiji Den Hukere garşy söweşde öz watandaşy Islam Mahaçewe sekundantlyk eder. Bu barada Mahaçýewiň öz sözlerine salgylanyp, sovsport.ru habar berdi.

“Habib Hukere garşy söweşde meniň burçumda bolar. Tälimçi Hawýer Mendes we doganym Muslim hem sekundantlyk eder" diýip, RIA Nowosti Mahaçewiň sözlerini getirýär.

Mahaçew karýerasynyň dowamynda 20 gezek ýeňiş gazanyp, bir gezek ýeňlişe sezewar boldy. Häzirki wagtda 30 ýaşly rus söweşijisi ýeňil agramyň sanawynda bäşinji orunda durýar. 31 ýaşly Hukeriň hasabynda bolsa 21 ýeňiş we 10 ýeňliş bar. Täze zelandiýaly türgen reýtingiň sekizinji hatarynda ýerleşýär.
Söweş 30-njy oktýabrda geçiriler.