Bill Geýts Angliýanyň ekologiýa taslamalaryna 500 mln dollardan gowrak maýa goýar

Bill Geýts Angliýanyň ekologiýa taslamalaryna 500 mln dollardan gowrak maýa goýar

Britaniýanyň hökümeti amerikaly milliarderden ýaşyl tehnologiýalara 552 million dollar maýa goýumyny almaga umyt bildirýär. Bu barada plus-one.ru habar berýär.

Maliýe serişdeleri ekologik taýdan arassa wodoroda, energiýany uzak möhletli saklamaga we howadaky kömürturşy gazyny gönüden-göni "tutmaga" gönükdiriler.

Amerikaly milliarder, Microsoft-yň esaslandyryjysy Bill Geýts Iňlis hökümeti bilen arassa tehnologiýalary ösdürmek we howanyň üýtgemegine garşy göreşmek boýunça hyzmatdaşlyga başlady. Reýter agentliginiň habaryna görä, taraplar häzirki wagtda 2050-nji ýyla çenli zyňyndylaryň nol görkezijisini gazanmak boýunça bilelikdäki taslamalary ara alyp maslahatlaşýarlar.

Premýer-ministr Boris Jonsonyň gatnaşmagynda geçirilen global maýa goýum sammitinde eden çykyşynda Bill Geýts täze tehnologiýalary ösdürmek üçin hususy maýa goýumlarynyň zerurdygyny aýtdy. Milliarderiň pikiriçe, Angliýa bilen hyzmatdaşlyk haýsy taslamalary goldamalydygyny, haýsylarynyň bolsa geljeginiň ýokdugyny kesgitlär.