Bütindünýä Saglygy Goraýyş Guramasy immuniteti gowşak adamlara infeksiýalaryň geçme howpunyň has ýokarydygy sebäpli COVID-19 sanjymynyň goşmaça dozasyny almagy maslahat berdi. Bu barada Reuters-e salgylanyp, vokrugsveta.ru habar berdi.
Hünärmenleriň pikiriçe, immuniteti gowşak ýa-da çynlakaý hroniki kesellerden ejir çekýän adamlara adaty iki tapgyrly sanjymdan soň goşmaça doza hödürlenmeli. Mundan başga-da, gurama Sinovac we Sinopharm sanjymlaryny doly alan 60 ýaşdan uly adamlaryň goşmaça dozany almalydygyny öňe sürýär.
BSGG-niň immunizasiýa departamentiniň başlygy Keýt O'Braýeniň sözlerine görä, häzirki wagtda dünýäde, takmynan, 3,5 milliard dozada COVID-19 sanjymy edildi.