Las-Wegasda (ABŞ) geçirilen UFC Fight Night ýaryşynyň esasy tutluşygynda braziliýaly MMA söweşijisi Marina Rodriges öz ildeşi Makenzi Derni ýeňdi. Bu barada sport-express.ru habar berdi.
Söweş bäş raund dowam etdi. Rodriges eminleriň biragyzdan karary bilen ýeňiş gazandy. Hasap 49-46, 49-46, 49-46 boldy. 28 ýaşly Derniň hasabynda häzirki wagta çenli MMA-da 11 ýeňiş we iki ýeňliş bar. 34 ýaşly Rodriges bolsa şu wagta çenli 15 gezek ýeňiş gazandy, bir gezek ýeňildi we iki gezek deňme-deň boldy.
Bu tutluşykdan ozal esasy kardyň ýene iki sany söweşi bolupdy. Olaryň birinde has ýeňil agramda Mateus Nikolau (Braziliýa) eminleriň biragyzdan karary bilen (29-28, 29-28, 29-28) Tim Elliotty (ABŞ) ýeňdi. Beýleki söweşde bolsa ýarym orta agramda Rendi Braun (Ýamaýka) eminleriň biragyzdan karary bilen Jared Gudeni (ABŞ) ýeňdi (30-27, 30-27, 30-27).
