“Casumo” kompaniýasy ulanyjy synlarynyň iň uly agregatory bolan IMDb-niň maglumatlaryna esaslanyp, rowaýaty jansyzyň keşbini ýerine ýetirijileriň arasynda kimiň has meşhurdygyny anyklady. Bu barada dni24.com habar berdi.
Netijelere görä, Internet ulanyjylary Daniel Kreýgi ýa-da Şon Konnerini däl-de, Timoti Daltony saýladylar. Ol iki gezek - 1987-nji ýylda "Gözleriň uçguny", 1989-njy ýylda bolsa "Öldürmek üçin ygtyýarnama" filmlerinde Bondyň keşbini janlandyrdy. Ol ulanyjylaryň 7.3 balyny aldy. Daniel Kreýg 7.2 bal bilen ondan biraz yzda. Şon Konneri bolsa 6,9 bal gazandy. Pirs Brosnan hem Bond-yň keşbini janlandyrypdy we ol hem 6,6 bal aldy. Iň soňky orunda Jorj Lazenbi ýerleşdi, ulanyjylar oňa 6.1 bal berdiler.
Şu gün - 7-nji oktýabrda iňlis jansyzy baradaky Daniel Kreýgiň janlandyran iň soňky film bolan "Ölmegiň wagty däl" filminiň dünýä premýerasy bolar. Taslamany döredijiler Daniel Kreýgi Jeýms Bondy oýnamaga çagyrandyklaryny we bu roly Kreýge öz gahrymany bilen hoşlaşmagy üçin berendiklerini boýun aldylar.
