Britaniýaly aktýor Deniel Kreýg Jeýms Bond hakyndaky iň soňky “Ölmegiň wagty däl” filminiň amerikan premýerasynyň öňüsyrasynda Golliwuddaky “Şöhrat alleýasynda” ýyldyz aldy. Bu barada “Variety” žurnalyna salgylanyp, gazeta.ru habar berýär.
Dabara 6-njy oktýabra meýilleşdirildi, Los-Anjelesde ýerli wagt bilen sagat 18:30-da Deniel Kreýg “Şöhrat alleýasynda” 2704-nji ýyldyzyň eýesi bolar. Mundan başga-da, bu Golliwudyň taryhynda Jeýms Bonduň keşbi üçin dördünji ýyldyz bolar, mundan öň tapawutlandyryş nyşanyny Dewid Niwen, Rojer Mur, Pirs Brosnan we Barri Nelson aldy.
“Deniel Kreýg – Agent 007 hakynda bäş filmde keşbini ýerine ýetiren Jeýms Bond ýaly britan medeniýetiniň ikonasy. Biz onuň ýyldyzyny “Şöhrat alleýasynda” Jeýms Bonduň keşbini ýerine ýetiren başga bir meşhur aktýor Rojer Muruň ýyldyzynyň ýanynda ýerleşdirýändigimize örän şat. Muşdaklar olaryň ýyldyzlarynyň Golliwud 7007 alleýasynda ýerleşendigini görenlerinde diýseň begenerler” – diýip, Golliwudyň “Şöhrat alleýasynyň” prodýuseri Ana Martines belleýär.
