Disney 2024-nji ýylda Marvel kinoälemi boýunça dört film çykarar

Disney 2024-nji ýylda Marvel kinoälemi boýunça dört film çykarar

Disney kompaniýasy özüniň reliz tertibine 2024-nji ýylda çykjak Marvel älemi boýunça dört sany täze kinokomiksi goşdy. Kartinalaryň atlary heniz belli däl, ýöne premýeralaryň takyk senesi yglan edildi: 16-njy fewral, 3-nji maý, 26-njy iýul we 8-nji noýabr. Bu barada “ScreenCrush” neşiri habar berýär diýip, kanobu.ru belleýär.

2023-nji ýylda Marvel janköýerleri bäş filmi görüp bilerler. Olaryň arasynda “Galaktikanyň sakçylarynyň” (Guardians of the Galaxy) we “Garynja adamyň” (Ant-Man) trikwelleri, şeýle-de üç sany ady agzalmadyk kartina bar.

2022-nji ýylda Marvel kinoälemi dört kartina taýýarlaýar: “Tor: Söýgi we gümmürdi” (Thor: Love and Thunder), “Gara pantera: Wakanda baky” (Black Panther: Wakanda Forever), “Marweller” (The Marvels) we “Lukman Strenj we multiälem telbeligi” (Doctor Strange in the Multiverse of Madness).

2021-nji ýylda “Ebediler” (4-nji noýabr) we “Möý adam: Öýe ýol ýok” (16-njy dekabr) filmleriniň premýeralarynyň bolmagyna garaşylýar. 

“Suw perijiginiň” hem global premýerasynyň senesi belli boldy – 2023-nji ýylyň 26-njy maýy. Onuň ýola goýulmagyna Rob Marşall jogap berýär. Filmiň surata düşürilişi eýýäm tamamlandy. Arieliň keşbini Holli Beýli ýerine ýetirdi.

Asyl nusgasy çykandan 13 ýyl soň, 2022-nji ýylyň 16-njy dekabryna “Awataryň” dowamy meýilleşdirilýär. 2028-nji ýyla çenli bolsa ýene üç dowamy çykar. Ähli bölümlere Jeýms Kemeron režissýorlyk edýär.