Hytaý ilatyna COVID-19-a garşy iki milliarddan gowrak sanjym etdi

Hytaý ilatyna COVID-19-a garşy iki milliarddan gowrak sanjym etdi

Hytaýyň raýatlary COVID-19-a garşy iki milliarddan gowrak sanjym aldylar. Bu barada CNN teleýaýlymyna salgylanyp, Day.az habar berýär.

Edaranyň habaryna görä, ýurduň 1,4 milliard raýatyndan 889 million adama doly sanjym edildi. Sanjymlaryň ählisi Hytaýda öndürilen derman serişdeleriniň kömegi bilen amala aşyryldy. CNN teleýaýlymynyň bellemegine görä, häzirki wagtda dünýäde ähli sanjym dozalarynyň, takmynan, 40 göterimi Hytaýyň paýyna düşýär.

Hökümet nobatdaky koronawirus ýaýrawynyň gözegçilik astyna alnandygy, 16-njy awgustdan bäri 11 günüň dowamynda täze kesel hadysalarynyň sanynyň azalandygyny aýtdy. 2021-nji ýylyň ahyryna çenli Pekin ilatynyň 80 göterimine koronawirusa garşy sanjym etmegi meýilleşdirýär, bu oňa kollektiw immuniteti gazanmaga kömek eder.

Ilat sanjymy boýunça soňky kampaniýa kämillik ýaşyna ýetmedikleri, garry adamlary, şeýle-de barmasy kyn bolan sebitleriň ýaşaýjylaryny öz içine aldy. Bu ilat toparlary hökümetiň raýat immunizasiýasy boýunça öňki programmasyna goşulmady.