Ispaniýada ÝB-däki iň beýik ýaşaýyş jaýynyň gurluşygy tamamlandy

  • 22.07.2021 21:33
  • 13k+

Ispaniýada Ýewropa Bileleşiginde iň beýik ýaşaýyş jaýy bolan Intempo binasynyň gurluşygy tamamlandy diýip, “The Guardian” neşirine salgylanyp, Day.Az habar berýär.

Benidorm şäherindäki rekord goýujy binanyň beýikligi 187 metre barabar. Onuň goşa diňleri Ispaniýadaky iň tiz lift bilen hem öwnüp bilýärler. Bu liftler sekuntda 4,2 metr tizlik bilen hereket edip, ýokarky gata 52 sekuntda galyp bilýärler. 
Diňler ýokarsynda romb görnüşli gurluş bilen birleşdirilýär, ol ýerde penthausyň bahasy iki million ýewro töweregidir. Beýleki 47 gatda bahalar 257 000 ýewrodan başlaýar. Uniq Residential promouteriniň aýtmagyna görä, Intempo-nyň 256 otagynyň 100-si öňünden satyldy – 60%-i ispanlara, galanlary ruslara, skandinawlara, nemeslere we belgiýalylara.
Intempo 17 ýylyň dowamynda guruldy. Binanyň taslamasy 2004-nji ýylda hödürlendi we onuň gurluşygy 2009-njy ýyla çenli tamamlanmalydy. Munuň üçin, takmynan, 100 mln ýewro bölünip berildi. Ýöne 2008-nji ýyldaky ykdysady çökgünlik sebäpli işler togtadyldy. Intempo birnäçe ýyl mundan ozal binany 60 mln ýewro tölän SVP Global kompaniýasy satyn alýança, eýesini birnäçe gezek üýtgetdi. 
Şeýlelikde, şu ýylyň iýul aýynda Ýewropadaky iň beýik ýaşaýyş jaýynyň gurluşygy tamamlandy. Bina heniz ulanyşa girizilmedi, ýöne zerur taýýarlyk işleri eýýäm alnyp barylýar. 
Binanyň eýeleri diňiň açylmagynyň Benidormy Ortaýer deňzinde “Maýamä” öwürmekde möhüm ädimdigine ynanýarlar.


13.07.2025 18:34
10k+

Ispaniýada bir aýal ýumurtga goýmak üçin bulgurlaryň iň uly kolleksiýasyny ýygnady

Ispaniýanyň ýaşaýjysy Mariýa Hose Fuster ýumurtga goýmak üçin niýetlenen bulgurlaryň dünýäde iň uly kolleksiýasyny ýygnady. Ginnesiň rekordlar kitabynyň maglumatlaryna görä, onuň kolleksiýasynda 15 485 sany şeýle predmet bar...

08.07.2025 17:40
3.3k+

ÝB-de smartfonlar indi batareýalaryň ömrüni görkezýän bellik bilen belgilenýär

Ýewropa Bileleşiginiň ýurtlarynda elektron gurluşlaryň sarp ediji aýratynlyklaryny, şol sanda akkumulýatoryň çydamlylygyny bellik arkaly görkezmegi göz öňünde tutýan täze düzgünler hereket edip başlady. Akkumulýatoryň ömrüni kesgitlemek üçin zarýad sikliniň – batareýanyň doly zarýadsyzlanmagynyň we ýene zarýad almagynyň sany ölçenýär...

01.06.2025 19:40
13k+

Aşgabatda 500-den gowrak adam «Parahatçylyk we ynanyşmak marafonynda» ylgady

31-nji maýda Aşgabatda 2025-nji ýylyň Ýewropa güni mynasybetli «Parahatçylyk we ynanyşmak marafony» geçirildi. Ýewropa Bileleşiginiň Türkmenistandaky wekilhanasy, Türkmenistanyň Bedenterbiýe we sport baradaky döwlet komiteti hem-de Aşgabat şäheriniň häkimligi tarapyndan guralan köpçülikleýin sport çäresine 517 adam gatnaşdy...

31.05.2025 17:42
8.1k+

Ispaniýada adam barmagynyň iň gadymy yzy tapyldy

Ispan arheologlary San-Lasaro gowagynda (Ispaniýa) adamyň ýüzüni ýada salýan uzyn daş tapdylar. Daşyň edil ortasynda, ähtimal, burny aňladýan gyzyl nokat bar. Geçirilen seljermeler bu nokadyň ohra (gyzylymtyl tebigy mineral boýag) batyrylan barmak bilen goýlandygyny görkezdi...