Ýewropa çempionaty - 2020-niň ýarym final duşuşygynda Italiýanyň milli ýygyndysy Ispaniýa bilen duşuşdy. Duşuşyk Londondaky «Uembli» stadionynda geçirilip, italiýalylar 11 metrlik urgular boýunça 4:2 hasap bilen ýeňiş gazandy. Oýnuň esasy wagty 1:1 hasabynda tamamlandy.
Oýnuň 60-njy minudynda italýan toparyndan Federiko Kýezo hasaby açdy. Oýna soň giren Alwaro Morato bolsa, 80-nji minutda hasaby deňledi. Penalti tapgyrynda Italiýanyň ýygyndysy üstün çykdy.
Şeýlelikde, Italiýa Ýewro-2020-niň finalyna çykdy. Final duşuşygynda ol Angliýa - Daniýa jübüdiniň ýeňijisi bilen duşuşar.
