2023-nji ýylda Toyotanyň "Auto Body" bölümi “Dakar” rallisine "Land Cruiser 300" bazasynda öndürilen ýaryş awtoulagyny gatnaşdyrar. Bu barada tarantas.news habar berýär.
Bu täze nesil awtoulagy birnäçe gün mundan ozal tanyşdyrylypdy. Ralli üçin niýetlenen model ýaryşda Production/Т2 klasynda çykyş eder.
“Land Cruiser 300” modelinde dokuz ýyl bäri ýaryşa “200” belligi astynda çykýan ulaglarda üstünlikli gatnaşýan we birnäçe gezek öz klasynda ýeňiji bolan "Team Land Cruiser Toyota Auto Body" topary çykyş eder.
Häzirki wagtda “Land Cruiser 200” rallä doly zawod görnüşinde gatnaşýar diýip, speedme.ru portaly belleýär. Ulagda diňe howpsuzlyk karkasy oturdylýar we salonyň artykmaç elementleri aýrylýar, şeýle hem goşmaça ýangyç baky, şnorkel we goşa sport amortizatorlary oturdylýar. Şol bir wagtyň özünde rama, hereketlendiriji, transmissiýa we beýleki komponentler hem-de gurnamalar üýtgedilmeýär. Şu ýagdaýda ýapon ulagy bütin ýoly kösenmän geçýär diýip, çeşme belleýär.
