BMG-niň ozalky Baş sekretary Pan Gi Mun Halkara Olimpiýa Komitetiniň etika boýunça komissiýasynyň başlygy wezipesine gaýtadan saýlanar. Bu barada HOK-nyň Ýerine ýetiriji komitetiniň golaýda geçirilen mejlisinde guramanyň ýolbaşçysy Tomas Bah aýtdy.
Azertag.az Tomas Bahyň: «Ýerine ýetiriji komitet BMG-niň sekizinji Baş sekretary Pan Gi Muny onuň 2017-nji ýylda eýelän wezipesine — Halkara Olimpiýa Komitetiniň etika boýunça başlyklygyna gaýtadan saýlamagy teklip etdi» diýen sözlerini getirýär.
Pani Gi Munyň täzeden saýlanmagy üçin onuň kandidaturasy HOK-nyň sessiýasynda goldanmaly. Onuň golaýdaky mejlisi 20-21-nji iýulda Tokioda geçiriler.
Mälim bolşy ýaly, Pan Gi Mun 2007-nji ýylyň 1-nji ýanwaryndan 2016-njy ýylyň 31-nji dekabryna çenli BMG-niň Baş sekretary wezipesini eýeläpdi. HOK-nyň Ýerine ýetiriji komiteti Bütindünýä antidoping agentliginiň (WADA) ozalky prezidenti Kreýga Ridini Halkara Olimpiýa Komitetiniň hormatly agzasy hökmünde saýlamak hakyndaky teklibi hem goldady.