Ýewro-2020-niň toparlaýyn tapgyrynyň nobatdaky duşuşygynda Uelsiň we Şweýsariýanyň milli ýygyndy toparlary deňme-deň oýnady (1: 1). Oýun Bakuwda (Azerbaýjan) geçirildi.
49-njy minutda hasaby şweýsariýaly Brel Embolo açdy. Kiffer Mur 74-nji minutda hasaby deňledi.
Toparlar hersi bir utuk toplady we A toparçada ikinji we üçünji orny paýlaşdy. Birinji orunda Italiýa üç utuk bilen ýerleşdi. Türkiýe nol utuk bilen dördünji orunda.
16-njy iýunda indiki tapgyrda Şweýsariýa — Italiýa, Uels — Türkiýe duşuşygy geçiriler.
B toparçadaky oýunda Belgiýanyň milli ýygyndysy Russiýanyň milli ýygyndysyny ýeňdi.
Duşuşyk 3:0 hasabynda tamamlandy.
Belgiýalylaryň düzüminde Toma Menýe we Romelu Lukaku (dubl) tapawutlandy.
Bu toparyň ugurdaş duşuşygynda Daniýa Finlýandiýadan utuldy (0:1).
Şeýlelikde, Belgiýa üç utuk toplady we B toparçada öňdeligi eýeledi. Finlýandiýa hem üç utuk bilen ikinji ýerde durýar. Üçünji ýerde — Daniýa ýerleşdi.
Indiki tapgyrda Belgiýa Daniýa bilen (17-nji iýunda), Russiýanyň milli ýygyndysy Finlýandiýa (16-njy iýunda) bilen duşuşar.
