Bütindünýä banky özüniň hasabatynda 2021-nji ýylda dünýä ykdysadyýetiniň ösüşiniň 5,6% boljakdygyny çaklaýar, bu soňky 80 ýylda iň ýokary görkezijidir. Bu barada www.pnp.ru habar berýär.
Bütindünýä bankynyň çaklamalaryna görä, ABŞ-nyň ykdysadyýetiniň ösüşi 6,8%, Ýewropa zonasynyň ykdysadyýetiniň ösüşi 4,2% bolar. Ýaponiýanyň ykdysadyýeti hem, öz gezeginde, 2,9%, Hytaýyň ykdysadyýeti bolsa 8,5% öser. 2021-nji ýylda Russiýanyň ykdysadyýeti 3,2% öser. 2022-nji ýylda dünýä ykdysadyýetiniň ösüşi 4,3% bolar.
Şol bir wagtyň özünde Bütindünýä banky gaýtadan dikeliş prosesiniň deň bolmazlygyna garaşýar, hünärmenleriň pikiriçe, bu görkezijiniň berkligi we uzak ömürlidigi barada düýpli näbellilik bar.
Şeýle-de, hasabatda ösüp barýan ykdysadyýeti bolan ýurtlaryň köpüsiniň koronawirus pandemiýasynyň ýaramaz täsirinden zyýan çekmegi dowam etdirýändigi bellenilýär. Inflýasiýa barada aýdylanda, Bütindünýä bankynyň maglumatlaryna görä, ol şu ýylyň ahyryna çenli ösmegini dowam etdirer.
