Ishak Gersog Ysraýylyň on birinji prezidenti boldy. Ol Knessetiň mejlisinde gizlin ses bermek arkaly saýlandy diýip, “Times of Israel” neşiri habar berýär. Muny gazeta.ru ýetirýär. Gersogy 87 deputat goldady. Saýlawlarda onuň garşydaşy ýurduň taryhynda prezidentlige dalaş eden ikinji zenan Mirýam Peres boldy. Gersog iýul aýynda prezident wezipesinde Reuwen Riwliniň ornuny çalşyrar.
“Men siziň meniň üstüme ýüklän uly jogapkärçiligiňizi tolgunma bilen kabul edýärin. Men bütin ysraýyl jemgyýetine gulluk etmek hukuklaryny kabul edýärin” – diýip, Ishak Gersog belledi.
Ysraýylyň premýer-ministri Benýamin Netanýahu Gersogy prezident wezipesine saýlanmagy bilen gutlady we oňa “Ysraýylyň ähli raýatlarynyň adyndan” üstünlik arzuw etdi.
Gersog 2018-nji ýyldan bäri Ysraýyla gaýdyp gelmek işi bilen meşgullanýan Ysraýyl üçin “Sohnut” ýewreý agentligine ýolbaşçylyk edýär. Onuň kakasy Haim Gersog 1983-1993-nji ýyllar aralygynda Ysraýylyň altynjy prezidenti bolupdy.
