Häzirki möwsüm tamamlanandan soň, dünýäniň iň geljegi uly tälimçilerinden biri Ýulian Nagelsman Germaniýanyň iň köp titully kluby bolan mýunhenli "Bawariýa" ýolbaşçylyk eder. Bu barada RBC habar gullugy habar berýär.
Nagelsman ýaňy bir 33 ýaşynda bolsa-da, eýýäm tejribeli hünärmen hasaplanýar. Ol özüniň tälimçilik karýerasyna 2008-nji ýylda başlapdy. Baş tälimçi wezipesine bolsa ol 2016-njy ýylda girişdi. Şonda ol "Hoffenhaým"-e tälimçilige bellenipdi we Bundesliganyň taryhynda iň ýaş baş tälimçi bolupdy. Şol wagt Nagelsmann 28 ýaşyndady we 2016-njy ýylyň jemleri boýunça çempionatyň iň gowy tälimçisi diýen ada eýe boldy.
2018-nji ýylda ol "Leýpsig"-e geçdi. Ýeri gelende bellesek, "Leýpsig" ýaş tälimçini almak üçin "Hoffenhaým"-a 5 million ýewro tölemeli boldy. Munuň özi nemes futboly üçin görlüp-eşidilmedik zatdy. Nagelsman bahasyny ödedi we topary Çempionlar ligasynyň ýarym finalyna çykardy. Bu bolsa klub üçin ýewrokuboklarda iň gowy netijedir.
"Bild"-iň maglumatlaryna görä, "Leýpsig" bonuslar bilen bilelikde "Bawariýadan" 25 million ýewro çenli öwez tölegini alar. Bu hem futbol standartlary boýunça rekord mukdar hasaplanýar.
Ozal hiç bir klub tälimçi üçin hatda 25 milliona ýewro golaý hem pul töläp görmedi. Nagelsmandan soň iň gymmat bäş tälimçiniň sanawy şulardan ybarat:
5. Mark Hýuz (Uels), 6,3 million ýewro;
4. Žoze Mourinýo (Portugaliýa), 8 million ýewro;
3. Ruben Amorim (Portugaliýa), 10 million ýewro;
2. Brendan Rojers (Demirgazyk Irlandiýa), 10,5 million ýewro;
1. Andre Willaş-Boaş (Portugaliýa), 15 million ýewro.