Çempionlar ligasynyň ýarym finaly: «Real» «Çelsi» bilen birinji duşuşykda deňme-deň oýnady

  • 28.04.2021 11:32
  • 9.2k+

Çempionlar ligasynyň Ispaniýanyň «Real» hem-de Angliýanyň «Çelsi» klublarynyň arasyndaky ilkinji ýarym final duşuşygy deňme-deňlikde tamamlandy - 1:1. Duşuşyk Madridde «Estadio Alfredo Di Stefano» arenasynda geçirildi.

Hasaby ilki bolup «Çelsiniň» futbolçysy Kristian Pulişiç (14) açdy, «Realdan» Karim Benzema hasaby deňledi (29-njy minut).
«Real» 2018-nji ýyldan bäri ilkinji gezek Çempionlar ligasynyň ýarym finalynda çykyş edýär. 2016-njy ýyldan 2018-nji ýyla çenli häzirki baş tälimçi Zinedin Zidanyň ýolbaşçylygynda klub yzly-yzyna üç gezek Çempionlar ligasynda ýeňiji boldy. Ondan öň hiç bir klub yzly-yzyna iki gezek hem bu netijäni gazanyp bilmändi. Mundan başga-da, «Real» Çempionlar ligasynyň/Ýewropa çempionlarynyň kubogynyň iň köp çempiony diýen rekordy eýeleýär (13).
«Çelsi» 2014-nji ýyldan bäri ilkinji gezek Çempionlar ligasynda 1/8 finalyndan soňky tapgyra çykmagy başardy. Londonlylar bu ýaryşda bir gezek - 2012-nji ýylda ýeňiji boldular.
Ozal klublar öz aralarynda bäş gezek duşuşyp, iki gezekden ýeňiş gazandylar. Şol bir wagtyň özünde klublar Çempionlar ligasynda hiç haçan duşuşmadylar. Ýewropa kubok ýaryşlarynda iň soňky duşuşyk 1998-nji ýyla degişlidir. Şonda «Çelsi» UEFA Super kubogynda 1-0 hasabynda ýeňiş gazandy.
Bu klublaryň arasyndaky jogap ýarym final duşuşygy 5-nji maýda Londonda geçiriler. Beýleki ýarym finalda fransuz «PSŽ-si» iňlisleriň «Mançester Siti» kluby  bilen oýnar. Ilkinji oýun 29-njy aprele geçilýän gije Parižde bolar.

düýn 19:46
2.7k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
6.8k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:57
4.4k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

28.11.2025 23:17
4.7k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...