14-nji aprelde paýtagtymyzdaky Maslahat köşgünde Türkmenistanyň Milli Geňeşiniň iki palatasanyň: Halk maslahatynyň hem-de Mejlisiň bilelikdäki birinji mejlisi geçirildi. Mejlise Türkmenistanyň Prezidenti Gurbanguly Berdimuhamedow gatnaşdy.
Bilelikdäki mejlisiň öň ýanynda Türkmenistanyň Milli Geňeşiniň guramaçylyk we düzüm işlerine seredildi. Halk maslahatynyň başlyklygyna biragyzdan Gurbanguly Berdimuhamedow saýlanyldy. Halk maslahatynyň düzüminde bäş sany komitet döredildi. Adam hukuklaryny hem-da azatlyklaryny üpjün etmek, sebitleýin osüş, ykdysadyýet, ylym-bilim, medeniýet, sanly ulgam, daşky gurşaw, halkara meseleleri ýaly ýene birnäçe ugurlara dahylly meselelere şol bölümlerde serediler. Türkmenistanyň Halk maslahatynyň Başlygynyň orunbasary wezipesine Kasymguly Babaýew, Mejlisiň başlygy wezipesine Gülşat Mämmedowa saýlanyldy. Soňra Türkmenistanyň Prezidenti Gurbanguly Berdimuhamedow Milli Geňeşiň iki palatasynyň bilelikdäki birinji mejlisine gatnaşyjylaryň öňünde söz sözledi we türkmeniň döwletlilik taryhynyň täze eýýamynda öňde duran wajyp meseleler hem-de olary çözmegiň ýollary hakda çykyş etdi.
