2021-nji ýylda dünýäde iň köp satylýan awtoulaglaryň sanawy. Toyota Corolla birinji

2021-nji ýylda dünýäde iň köp satylýan awtoulaglaryň sanawy. Toyota Corolla birinji

Focus2Move analitik agentliginiň habar bermegine görä, ýanwar-fewral aýlarynyň netijeleri boýunça alyjylaryň arasynda lider bolan awtoulaglaryň reýtingi düzüldi. Ýagny, reýtingiň birinji ornuny ýapon modeli Toyota Corolla eýeledi. Ony 174 müň adam satyn aldy. Geçen ýyl bilen deňeşdirilende, görkeziji 0,1% ýokarlandy diýip, procrossover.ru belleýär.

Ikinji orny 159 müň sanysy satylan Toyota RAV4 eýeledi. Görkeziji 0,4% pese gaçdy.
Liderleriň üçlügini Ford F-Series jemleýär. Bu modeli awtosöýüjileriň 146 müňüsi saýlady. Bir ýyl mundan öň bu awtomobiliň satuwy 24% ýokarydy.
Ilkinji iki aýda 123 müň sanysy (+18,2%) satylan Honda CR-V krossoweri reýtingiň dördünji ornuny eýeleýär. Bäşinji orun Toyota kompaniýasyndan ýene bir modele – Camry sedanyna degişli boldy. Bu awtomobiliň satuw derejesi 2020-nji ýylyň ýanwar-fewral aýlary bilen deňeşdirilende, 11,3% ýokarlanyp, 93,76 müň nusga ýetdi.
Dünýäde iň köp satylýan awtomobilleriň onlugyna şular hem girdi: Toyota Hilux (88 288 sany, +4,8%) we Chevrolet Silverado pikaplary (86 279 sany, -25,6%), Nissan Sylphy (82 592 sany, +91,7%) sedany, Honda Civic (81 442 sany, -14,3%) we Haval H6 (79 370 sany, +142,2%).