Ozal dünýäniň iň uly hytaý smartfon öndürijisi diýlen status "Huawei"-e degişlidi. Şeýle-de bolsa, bu kompaniýa ABŞ-nyň sanksiýalar sanawyna goşulandan soň, kynçylyklar bilen ýüzbe-ýüz bolup başlady. Täze hasabata görä, indi "Xiaomi" 2021-nji ýylyň fewral aýynda dünýädäki iň uly hytaý smartfon brendine öwrüldi. Bu barada ferra.ru habar berdi.
“Counterpoint Research” analitik kompaniýasynyň maglumatlaryna görä, “Xiaomi”-niň dünýä bazaryndaky paýy 13%-e deň boldy. Şeýlelikde, kompaniýa smartfonlaryň ähli markalarynyň arasynda abraýly üçünji, hytaýlylaryň arasynda bolsa birinji orny eýeledi.
Umumy reýtingde birinji iki orny "Samsung" we "Apple" eýeledi. Ýeri gelende bellesek, birinji orundaky kompaniýa ikinjiden 20% paý bilen öňe geçdi. “Apple”-iň paýy 17% boldy. “Huawei”-niň paýy bolsa 4 göterime çenli azaldy.
"Huawei"-iň gadagan edilmeginden soň "Xiaomi" Ýewropada has köp premium smartfon satmagy başardy.
