Ýakynda Xiaomi hytaý kompaniýasy uly göwrümli tanyşdyryş çäresini geçirdi, onuň dowamynda birbada üç sany kuwwatly smartfon modeli, şeýle-de fitnes-bileziginiň täze nesli – Mi Band 6 hödürlendi diýip, mymsk.online habar berýär.
Täze fitnes-trekeri diagonaly 1,56 dýuým bolan AMOLED ekrany bilen üpjün edildi. Şeýle-de, onuň üçin 130-dan gowrak displeý temasy elýeterli bolar, bir zarýad bilen gurluş 14 güne çenli işläp biler.
Gajet fiziki işjeňligiň görnüşini awtomatiki ýagdaýda kesgitleýär. Ol ylgaw, welosiped sürmek we başgalar ýaly alty sport türgenleşigini bilip, 30-dan gowrak maşk režimini göterýär. Bilezik ganyň kislorod bilen üpjünçiligine-de (SpO2), arterial basyşyna, ukynyň hiline gündelik gözegçilik edip bilýär.
Şeýle-de, suwdan gorag bar – gurluş 50 metre çenli çuňluga çümüp bilýär. Fitnes bileziginiň satylyp başlanjak ilkinji bazary Hytaý bolar.
