“Fomm” ýapon startapy ýalpak suwlardan geçip bilýän we doly ýüzmäge ukyply “Fomm One” ykjam elektrikli ulagyny ýurduň bazaryna çykarmagy maksat edinýär. Bu barada Nikkei Asian web sahypasyna salgylanyp, REGNUM habar berýär.
Ýüzýän elektrik awtoulagy şu ýylyň maý aýynda resmi taýdan tanyşdyrylar. Onuň bahasy 2,75 million ýen bolar.
Dört orunlyk “Fomm”-yň uzynlygy 2,6 metr we ini 1,3 metr. Onuň ýol geçiş ätiýaçlygy 166 kilometre we iň ýokary tizligi sagatda 80 kilometre barabar. "Fomm" 2021-nji ýylda şeýle amfibiýa ulaglarynyň 350-sini Ýaponiýada satmagy meýilleşdirýär. “Fomm One” suw geçirmeýän aşaky böleginiň kömegi bilen suwdan goralandyr.
“Fomm”-yň baş direktory Hideo Tsurumaki 2011-nji ýylyň mart aýynda Ýaponiýada bolup geçen ýer titremesinden we sunamiden soň ýüzýän elektrik ulagyny döretmek maksady bilen, bu kompaniýany 2013-nji ýylda esaslandyrdy.