Eger-de ähli zat meýilnama görä dowam etse, onda COVID-19 pandemiýasy eýýäm 2022-nji ýylyň başyna tamamlanar. Bu barada Bütindünýä saglygy goraýyş guramasynyň Ýewropa sebit edarasynyň ýolbaşçysy Hans Klýuge Daniýanyň DR teleýaýlymyna aýtdy.
BSGG-niň wekiliniň pikirine görä, 2021-nji ýyl hem koronawirus ýyly bolar, emma geçen ýyl bilen deňeşdirilende bu ýyl ýagdaý gözegçilik astynda bolar.
«Iň ýaramaz hadysalar yzda galdy. Biz 2020-nji ýyl, ýagny wirus ýaňy ýaýrap başlan wagtyna garanyňda, koronawirus barada has köp zatlary bilýäris» - diýip Klýuge aýtdy.
Şol bir wagtyň özünde ol diňe şahsy çaklamasyny öňe sürýändigini nygtady. Ähli zat pandemiýa bilen bagly ýagdaýlaryň näderejede ýaýbaňlanjygyna bagly bolar.
«Wirus saklanyp galar, ýöne çäklendirmelere zerurlyk bolar diýip pikir etmeýärin» - diýip Klýuge belledi.
