Check Point kompaniýasyndan bolan kiberhowpsuzlyk hünärmenleri ulanyjylara smartfonlaryndan käbir programmalary gyssagly aýyrmagy maslahat berýärler. Bu barada ufacitynews.ru habar berýär.
Forbes žurnalynyň berýän habaryna görä, gürrüň Rogue atly howply troýan wirusy ýokuşan mobil programmalar hakda barýar. Zyýanly programma üpjünçiligi ulanyjynyň şahsy maglumatlaryny - suratlary, habarlary, geolokasiýa maglumatlaryny we kontaktlary ogurlamak üçin uzakdan girmäge mümkinçilik berýär. Mundan başga-da, ulanyjy bu programmalar üçin maglumatlaryna girişi çäklendirmäge synanyşsa, ulgam "Siz hakykatdan hem ähli maglumatlary pozmak isleýärsiňizmi?" diýen mazmunly duýduryş görkezer.
Şeýle hem, täze zyýanly programma üpjünçiligi smartfonyň kamerasyna we mikrofonyna, dürli amallary ýerine ýetirmek ukybyna girmek - jaň etmek, SMS ibermek, faýllary pozmak we programmalary gurmak üçin programmirlenendir.
Şeýlelik bilen, smartfondan gyssagly pozmak maslahat berilýän programmalaryň sanawy:
AppleProtect, [se.spitfire.appleprotect.it],
Axgle, [com.absolutelycold.axgle],
Buzz, [org.thoughtcrime.securesms],
Google Play Service, [com.demo.testinh],
Idea Security, [com.demo.testing],
SecurIt, [se.joscarsson.privify.spitfire],
SecurIt, [sc.phoenix.securit],
Service, [com.demo.testing],
Settings, [com .hawkshawspy],
Settings, [com.demo.testing],
Settings, [com.services.deamon],
Wallpaper girls, [com.demo.testing] we
Wifi Pasword Cracker, [com.services.deamon].
Hünärmenler her bir programma iki at berýärler - biri smartfonyň menýusynda ýarlyk hökmünde, ikinjisi bolsa programmanyň häsiýetnamasynda görkezilýär.
Bu programmalara gabat gelinse, olary gyssagly ýagdaýda aýyrmak we ykjam enjamyňyza antiwirus gurmak maslahat berilýär.