60 sany awtoulag žurnalisti ýarym finala çykan 27 modelden üç kategoriýa boýunça iň gowy awtoulaglary saýlarlar. Ýylyň Demirgazyk Amerika awtoulagy we ýük ulagy (North American Car and Truck of the Year) diýen ada dalaş edýänleriň sanawy çap edildi. Ýeňijiler 11-nji ýanwarda yglan ediler. Bu barada cursorinfo.co.il habar berdi.
Ýarym finala çykan 27 modelden jemi 9 finalçy saýlandy. Olar, adatça, üç kategoriýa bölünýärler.
Ýeňil awtoulag segmentinde premium sedan "Genesis G80", täze "Hyundai Elantra" we "Nissan Sentra" ýeňiş gazandy. “Acura TLX”, “Cadillac CT4”, “Kia K5”, “Mersedes-Benz E-Class” we “Polestar 2” finala çykyp bilmedi.
Iň oňat krossower diýen ugurda finalda “Ford Mustang Mach-E”, “Genesis GV80” we “Land Rover Defender” bäsleşer. Şeýle hem ýeňişe ozal “Cadillac Escalade”, “Chevrolet Tahoe/Suburban” we “Trailblazer”, “Ford Bronco Sport”, “Hyundai Santa Fe”, “Kia Seltos” we “Sorento”, “Mazda CX-30”, “Nissan Rogue”, “Toyota RAV4 Prime” we “Venza”, “Volvo XC40 P8 Recharge” dalaşgärlik edipdiler.
"2020-nji ýylyň iň gowy pikapy" diýen ugurda “Ford F-150”, “Jeep Gladiator Mojave” we “Ram 1500 TRX” finala çykdy. Olara ýeke-täk bäsdeş - “Ford Super Duty” bolupdy.
North American Car and Truck of the Year ýaryşy 1989-njy ýyldan bäri geçirilip gelinýär. Onda iň gowy awtoulaglary ABŞ-dan we Kanadadan 60 awtoulag žurnalistinden ybarat emin agzalary saýlaýarlar. Geçen ýyl ýaryşda “Chevrolet Corvette” sport awtoulagy, “Kia Telluride” krossoveri we “Jeep Gladiator” pikapy ýeňiji bolupdy.