Counterpoint Research kompaniýasynyň analitikleri dünýäniň smartfon bazary şu ýylyň üçünji çärýeginde 366 million birlige çenli ösdi diýip habar berýärler. Häzirki wagtda dünýä bazarynda iň uly paýy 22 göterim we 80,4 million smartfon bilen Günorta Koreýanyň meşhur öndürijisi “Samsung” eýeleýär. Ikinji orny “Huawei” - 14 göterim, üçünji orny bolsa “Apple”-i ozup geçen “Xiaomi” eýeledi.
“Samsung” diňe bir dünýäniň iň ökde mobil öndürijilerine ýolbaşçylyk etmän, eýsem, Latyn Amerikasynda, Ýewropada, Ýakyn Gündogarda we Afrikada iň köp satuw görkezijilerini hem gazanmagy başardy. Aziýa sebitinde öňdeligi Huawei eýeleýär, Demirgazyk Amerikada bolsa, adat bolşy ýaly, “Apple” öňdebaryjy hasaplanylýar.