Ispaniýanyň “Barselona” futbol klubynyň prezidentligine dalaşgärleriň biri Emili Russo saýlanan ýagdaýynda toparyň “Kamp Nou” stadionyny argentinaly hüjümçi Lionel Messiniň hormatyna atlandyrmagy meýilleşdirýändigini aýtdy. Russonyň teswirini Goal portaly getirýär diýip, TASS habar berýär.
“Biz stadionyň adyny “Kamp Nou Leo Messi” diýip üýtgetmek üçin referendum geçireris” – diýip, Russo belleýär.
Awgust aýynda Messi klubyň ýolbaşçylary bilen gapma-garşylyk sebäpli “Barselonadan” gitmäge synanyşdy. Soňra ol “Barselona” bilen hukuk dawasyny etmek islemeýändigi we maşgalasynyň Kataloniýada galmak islegi sebäpli galmak kararyna gelendigini habar berdi.
27-nji oktýabrda klubyň prezidenti Hosep Bartomeu wezipesinden gitdi.
Messi 33 ýaşynda, ol “Barselonanyň” ýetişdiren oýunçysydyr. Esasy toparyň düzüminde ol 2004-nji ýylda ilkinji gezek çykyş etdi. Messiniň hasabynda professional karýerada 700-den gowrak goly bar. Ol “Altyn pökgi” baýragynyň alty gezek eýesi boldy, bu rekord hasaplanylýar.
